"صنم"

🌹🌷غزل🌷🌹

تم ہی حیات میری حاصلِ حیات صنم

جمال و حسن تیرا رشکِ کائنات صنم

اب صرف تم ہی خیال و تصوّرات میں ہو

تم ہی ہو جانِ خیال و تصوّرات صنم

تمہارے آنے سے گلشن مہکنے لگتا ہے

تمہارے بِن بہت سونے ہیں یہ باغات صنم

ہمارا دھیان و توجّہ ہماری رغبت تم

کرو ہماری طرف نظرِ اِلتفات صنم

جو تم مِلو تو خوشی تم نہ مِلو تو دُکھ ہو

یہ زندگی میں عجب ہیں تغیّرات صنم

کسی بھی محفل و مجلس میں دل نہیں لگتا 

تم آؤ جھوم اُٹھے بزم خیالات صنم

تمہارے ایک تبسُّم کے واسطے "محسن"

مِٹا بھی سکتا ہے سب اپنی خواہشات صنم

🖋محسن یاسین🖋