حمد باری تعالیٰ

یارب،  خدائے بحر و بر، کیسے کروں تیری ثناء

تو مالکِ لوح و قلم میں ناتواں بندہ ترا

یہ ماہ و انجم یہ زمیں،  یہ کہکشاں، تحت الثریٰ

سب پر ہے تو ہی حکمراں، سب تیرے ہی تابع خدا

آشفتگیِ زندگی، کا ہے مداوا تیری ذات

دنیا کے غم کچھ بھی نہیں گر تیری ہو یارب عطا

رحماں ہے تیری ذاتِ پاک،  تجھ سے ہی ہے بندے کی آس

تو منبعِ رحم و کرم،  تو مصدرِ جود و سخا

دریائے رحمت کے ترے،  مجھ پر بھی کچھ چھینٹے پڑیں

جھلسا وجودِ پُر خطا لے کر ترا سائل بنا

محسنِ خستہ نے لکھا،  تیری ثناء اے بادشاہ

روشن رہے جو دائما،  دے دے قلم میں وہ ضیا

محسن یاسین

مالیگاؤں، مہاراشٹر، ہند

9822269031